[b]عنوانك إيه
عارف أنت ساكن فين
طبعاً ح تقلي عارف وتشاورلي على بيتك في الشارع
الفلاني متفرع من ...!!!
تبقى أكيد مافهمتش
سؤالي مش عنوان بيتك اللي بتنام فيه، لأ عنوان العلاقة اللي بتربطك بربنا!!
اسمع القصة الحقيقية والمؤثرة:
واحد كان مسافر في طيارة وبعد الهبوط وقبل ما تفتح أبوابها، حصلت مشكلة
وولعت نار، وقبل ما توصل المطافي كانت النار بتآكل في الناس، وفجأة صاحبنا
أتذكر آية سمعها في الكنيسة "لأنه تعلق بي أنجيه.ارفعه لأنه عرف اسمي"
والآية اللي بتقول "يسقط عن جانبك ألف وربوات عن يمينك.إليك لا يقرب"
ورفع من قلبه صلاة، وقال يارب أنا بصدق كل وعد وكل كلمة أنت قلتها، يا رب
نجيني، وفجأة شاف منفذ وسط النيران اللي بتآكل في الركاب من حواليه، وطلع
من الطيارة وهو ما يعرفش أزاي، وكتبت الجرانين عنه، إن كان الناجي الوحيد
من الطيارة اللي كان عدد ركابها حوالي 285 شخص.
عارف الراجل ده كان ساكن فين والآيتين اللي جابهم جابهم منين
من المزمور 91 وعنوان سكنه في ستر العلي وفي ظل القدير
يا ريت تقرأ المزمور ده معايا وتصلي وتقول يارب أنا عاوز أسكن في حمايتك
وأبيت في ظلك إنت وحدك اللي بتحميني، وبدافع عني وبظلك بتخبيني... آمين
[/size][/b]
