من طرف سارة ريمون المناهري الجمعة يوليو 23, 2010 1:35 pmصعبان عليا منك+
+++عارف يارب ليه صعبان عليا منك ؟
انا هقولك
سايبني اتخبط يمين وشمال . وحالي بقى حاله حال
لا قادره ارجعلك ولاقادره اجيلك . قلبي اتملي بالحزن والدمع ملا عيني ولا قادره احكيلك
قفلت علي نفسي باب . حبست نفسي في زنزانة هربانة من نفسي وهربانة من كل الاحباب
استسلمت للأفكار لحد ما دمرتني
سلمت نفسي لأبليس المكار وكلمة منه توديني وكلمة منه تجيبني
ايديا وقفت .. لانا قادره امدهالك .. لانا قادره اصرخ بصوتي
اتحبس الكلام جوايا ولا كلمةقادره اقولهالك
آآآآآآآآآآآآآآآآآآآآآآآآآآآآه ياربي
صعبان عليا منك ليه سايبني ؟
مش هو انا برضه بنتك ؟
اللي ناقشني علي كفك وفي عينك انت حاططني ؟
بس انت كنت تقدر صح ولا انا غلطانة ؟
كنت تقدر تحميني من نفسي وتخرجني من الزنزانة
ولا كان دة بقى حالي ولا كنت هبقي منك زعلانة
طب انا دلوقتي جيتلك يا تري هتقبلني ؟
هتاخد بايدي ولا هتقولي استني ؟
محتجالك أوعاك يارب ترفضني
مد ايدك وامسكني ومن ضعفي ويأسي وخوفي خرجني
دة انت عمرك ما رفضت حد جالك
اكيد يارب هتسمعني . هتمسك بايدي هتشدني وترفعني
وفي صدرك الحنين يارب هتضمني . وتسمع نبض الأنين ملوجع بيهزني
آآآآآآآآآآآآآه يارب اوعاك تسيبني
صرخة من قلبي مليها الدموع . اسمعها ياربي واقبل الرجوع
قلبي اللي مات بكلمة منك يصحي ويقوم . يتجدد ما تخلي فيه خطية تدوم
تنسالي اللي فات ولا تخلي عندي ذكريات
والخوف اللي جوايا بوجودك انت ياربي خلاص مات
آآآآآآآآآآآآآآآآآآه يا ربي اوعاك تسيبني
عرفت بأة انا ليه صعبان عليا منك ؟
