على الرغم من إنى قلت لك لا تقرأ هذا الموضوع إلا انك فعلاً
بدأت فى قرأته يمكن عشان حب الاستطلاع أو انك عايز تعرف ايه الحاجة اللى
مكنتش عايزاك تقراها وبعد ما وصلت لنص الموضوع تقريباً لسه برضه بتقرا
حتى لما ملقتش فيه أى حاجة تفيدك .........
طيب ليه كمّلت قراية وأنت مش لاقى فيه حاجة مفيدة من الأول أنا قلت لك
( ماتقراهوش من الاول ومسمعتش لنصيحتى ):
وبعد ما وصلنا للنهاية قريته بعد ما اتأكدت انه مفيهوش أى حاجة ....
يا بنات و ولاد الملك إحنا بنعمل خطايا عارفين انها هتزعل قلب ربنا وعارفين من قبل ما نعملها
انها هتضرنا ومش هتفيدنا ومع ذلك بنعملها مش غريبة دى ؟؟!!!
يعنى أنت دخلت الموضوع رغم إنى قلت متدخلش وصممت تخلص قراية الموضوع كله
صح؟
أنت لما بتيجى تعمل خطية بتكون عارف انك لو دخلت فيها مش هتفيدك فى أى
حاجة ومع ذلك بتعيش فيها وبترضى تدخلها وبكل إرادتك وأنت مبسوط اوى
وحتى لو عرفت فى نص الخطية إن اللى هتكمله ده مالوش لازمة وأحسنلك تتراجع
وترجع لربنا تصمم تكمّل علشان تشوف آخرتها ايه؟
دايماً بنحط ثقتنا فى الخطية وندخل فيها بقلب جامد اوى رغم اننا عارفين انها هتزعل ربنا
مننا جداً جداً
طب ليه من الأول بتغامر وبتدخل فيها رغم اننا عارفين انها مش هتفيدنا بل بالعكس
هتضرنا جداً ولو دخلتها ليه بتغامر وبتكمّل لنهاية الخطية؟
لازم نحاول بقدر الإمكان اننا نبعد ونتجنب الخطية مش نقرّب منها حتى لو بهدف
حب الاستطلاع أو التجربة لأن النهاية الواحدة فى الآخر
[ندعوك للتسجيل في المنتدى أو التعريف بنفسك لمعاينة هذه الصورة]
عدل سابقا من قبل مينا انسى المناهرى في الجمعة أكتوبر 09, 2009 2:31 am عدل 1 مرات
