من طرف سارة ريمون المناهري الثلاثاء يوليو 27, 2010 12:35 amخاطى ربنا هايسمعنى ولا لا ؟؟؟؟؟؟؟
انا حابب اتكلم معاكم شويه
ياريت ما اضايقكمش
فى اوقات كتير بنادى على ربنا
بس مافيش استجابه
لييييييييييييييييييييييييه
عشان معندناش ايمان وثقه فى الله
بنقول يارب زى اى حد بيقول يارب
لكن لما نقرب من ربنا ونثق فيه بايمان
ونلجاله عشان يتدخل فى مشكله
بس نلجا بيه بايمان نابع عن ثقه فى الله
وبعدين لازم نثق فى ربنا شويه
ومنقولش دا ربنا ناسينا واحنا تافهين بالنسباله
وانا مين عشان ربنا يسمعنى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تسمحولى ارد
انتوا ولاد ربنا وولاد ربنا مايقولوش كدا
وربنا مش بيسيب حد ابدا
دا قال ان نسيت الام الرضيع اانا لا انساه
اتاملوا فى الايه
شوف بيبن ان ربنا حنين قوى ودايما فاكرنا ومش ناسينا
هاقولكم قصه
بيحكى ان كان فيه امراه راحت لقصر الامبراطوريه
وكان ارتفاعه عالى قوى
طلعت فوقيه وبصت على الناس لقتهم زى النمل
وقالت انا اتصور ان دا مفهوم الناس عن ربنا
يعنى ربنا شايف الناس زى النمل
الناس شايفه ان ربنا شايفها زى النمل كتير قوى
وغير مهتم بيهم وانهم اشخاص تافهين
ومنسيين ومش معتنى بيهم
لكن لو حبينا نشوف وجهه نظر الله الصحيحه نحونا
لازم منصعدش الى القصر الامبراطورى
لكن نصعد الى مكان اسمه الجلجثه ونشوف شخص معلق على صليب
ومن خلال الصليب دا لازم الناس تفهم حقيقه الله
" لانه هكذا احب الله العالم حتى بذل ابنه الوحيد لكى لا يهلك كل من يؤمن به بل تكون له الحياه الابديه" (يو3:16).
هنا دى حقيقه ربنا اللى لازم كلنا نفهمها ونعرف ان هو دا معنى الحياه
برضو اشوف ناس بتقول انا خاطئ ربنا هايسمع منى
طيب ما ربنا قال هكذا يكون فرح فى السماء بخاطئ واحد يتوب(لو15:17).
وقال لقد جئت لادعو خطاه للتوبه
يعنى ربنا بيقول انا جاي عشان خاطركم معنى كدا ان ربنا مستنى اى حد فينا
يخبط على صدره ويقول اللهم ارحمنى انا الخاطئ......جرب ونادى على ربنا
وشوف مدى سرعه استجابته بس مش اى تناديه لا نادى من قلبك وبايمان
ليس من قال يارب يارب يخلص
الايمان اهم حاجه فى حياتنا الروحيه ولازم ثقه من ان ربنا هايدخل معانا وفى وسطينا
صدقونى ربنا قريب مننا قوى بس مستنى حد يمد ايده ويقوله ساعدنى يارب قوينى وارحمنى
وربنا فى الوقت دا هايسمعك ويمد ايده ليك ويسندك ويقويك
اللى خلى الاب فى الابن الضال قبل ابنه
ربنا اللى بيحبنا كلنا مش هايقبلنا لما نناديله
صدقونى ربنا معانا وحاسس بينا وبيقربنا منه شوى بشوى
بس احنا اللى لازم نرحله بسرعه
ونقوله يارب احنا ولادك وبنحبك ومش هانبعد عنك ابدا وواثقين ان ايدك هاتشتغل فى المشاكل
دلوقت وكمان هاتحلها
وتثبت للعالم مدى حبك لينا ومدى عطفك علينا اللى مالوش حدود ولا ابواب مغلقه
ربنا يباركم
محتاج صلواتكم كتير
