يمكن أكون اتأخرت كتير فى كتابة هذه القصيدة اليكم...انما كله للخير
ونزفت الدماء
قالوا وحدة وقالوا وطنية
وقالوا مع بعض ف ديّة وديّة
من نيل واحد نشرب ميّة
وربنا واحد اسمه مسيّا
مع بعضنا فى المدرسة ديّة
نركب مع بعض العربية
صاحبى وصاحبك فى الكلية
وفى الجيش فى الخدمة الوطنية
قلنا واحد مش اتنين
بالقلب والروح والعين
بطرس واحمد/بولا وحسين
ومفيش فرق بين الاتنين
لكن...لكن اختلفت الأوضاع
حقى وحقك كله أهو ضاع
من واحد لضميره بيّاع
زود بين الاتنين الاوجاع
اخويا جوه كنيسته خانوه
ضربوا قنابل قاموا قتلوه
بحزام ناسف راحوا نسفوه
او بطلقة نارية صابوه
ايد مرمية وراس تنداس
ناس بتعدى عليها وخلاص
بقنابل وذخيرة ورصاص
فين الحب فين الإخلاص
قالوا مصر فى امن وسلام
طب دى حقيقة وللا اوهام
ليه اراضيها بقت فى ظلام
ومهدد مش عارف انام
فين العدل فين المساواه
قالوا العدل واخد مجراه
راح نقبض على كل جُناه
والجانى..هينال جزاه
ارحم شعبك يالله
نجينا من ظُلم طُغاة
ارسل روحك يُعطى حياه
وايدك التانية تُعطى نجاه
مش هنخاف وللا لحظة نسلم
مش هنكست لا راح نتكلم
لو تحت صليبه بنتألم
هنصلى وكمان هنرنم
والشهداء دول طلعوا لفوق
شمس حياتهم فوق فى شروق
ومفيش بينهم اى فروق
أخر لحظة..كانوا فى صندوق
ياشهداء الحق طوباكم
مسيحنا بقى فوق يرعاكم
كلنا هنا بنقول ياهناكم
صلولنا عشان فوق نلقاكم
ونزفت الدماء
قالوا وحدة وقالوا وطنية
وقالوا مع بعض ف ديّة وديّة
من نيل واحد نشرب ميّة
وربنا واحد اسمه مسيّا
مع بعضنا فى المدرسة ديّة
نركب مع بعض العربية
صاحبى وصاحبك فى الكلية
وفى الجيش فى الخدمة الوطنية
قلنا واحد مش اتنين
بالقلب والروح والعين
بطرس واحمد/بولا وحسين
ومفيش فرق بين الاتنين
لكن...لكن اختلفت الأوضاع
حقى وحقك كله أهو ضاع
من واحد لضميره بيّاع
زود بين الاتنين الاوجاع
اخويا جوه كنيسته خانوه
ضربوا قنابل قاموا قتلوه
بحزام ناسف راحوا نسفوه
او بطلقة نارية صابوه
ايد مرمية وراس تنداس
ناس بتعدى عليها وخلاص
بقنابل وذخيرة ورصاص
فين الحب فين الإخلاص
قالوا مصر فى امن وسلام
طب دى حقيقة وللا اوهام
ليه اراضيها بقت فى ظلام
ومهدد مش عارف انام
فين العدل فين المساواه
قالوا العدل واخد مجراه
راح نقبض على كل جُناه
والجانى..هينال جزاه
ارحم شعبك يالله
نجينا من ظُلم طُغاة
ارسل روحك يُعطى حياه
وايدك التانية تُعطى نجاه
مش هنخاف وللا لحظة نسلم
مش هنكست لا راح نتكلم
لو تحت صليبه بنتألم
هنصلى وكمان هنرنم
والشهداء دول طلعوا لفوق
شمس حياتهم فوق فى شروق
ومفيش بينهم اى فروق
أخر لحظة..كانوا فى صندوق
ياشهداء الحق طوباكم
مسيحنا بقى فوق يرعاكم
كلنا هنا بنقول ياهناكم
صلولنا عشان فوق نلقاكم
