من طرف عاشق تماف ايرينى(امى) الخميس مايو 19, 2011 2:43 am [ندعوك للتسجيل في المنتدى أو التعريف بنفسك لمعاينة هذه الصورة]
كتير اوي بنقول ابانا الذي
اللي بيقولها يوم الامتحان الصبح
واللي بيقولها قبل مايسوق
واللي بيعتبرها اصلا هي صلاته كلها .. يعني علاقتة بربنا كلها ابانا الذي قبل ماينام
وكأنها فرض بنعمله او حاجة سوري في اللفظ بنضحك بيها على ربنا عشان يقف معانا في الامتحانات ويحفظنا من خطر السواقة وزحمة الطريق
تخيلت مرة لو انا بقول ابانا الذي وربنا رد عليا
اة
مانا بقولهالو هو
وبنادية في الأول : ابانا الذي
كتبت حوار كدة تخيلتة من خلال ابانا الذي بين (س) اللي بيقول ابانا الذي وبين الله
في يوم بعد عناء مذاكرة طويل قبل الإمتحانات وبعد ما دقت الساعة 12 ص وجه وقت النوم إفتكر ( س ) ابونا وهو بيقولوا صلي في الكنيسة
ولأن
تقريبا في بيتهم الوالد و الوالدة معودينوا على ان الصلاة هي ابانا الذي
فقال هصلي ابانا الذي عشان ربنا يقف معايا بكرة في الامتحان وبدأ
( س ) : أبانا الذي في السموات
فجأة سمع صوت
الله : نعم
قام اخونا ( س ) قفل الشبابيك وبص حوالية ملقاش حد ورجع تاني
( س ) أبانا الذي في السموات
نفس الصوت إتكرر تاني
الله : أيوة .. سامعك
بصوت مرتجف اتكلم ( س )
( س ) : مين اللي في الاوضة .. مين اللي بيرد عليا
الله : مش انت بتقول ابانا الذي في السموات
( س ) : اة
الله : طيب انا ابوك اللي في السماوات وسامعك اتفضل اتكلم
( س ) في ذهول وخوف وحيرة وبصوت متردد وضعيف وخافت
( س ) : ليتقدس أسمك
الله : عارف يعني اية ليتقدس اسمك
( س ) في خوف : لا
الله : امال بتقولها لية
( س ) : اهي جملة كدة بقولها في الصلاة بس معرفش معناها
الله : طيب هسيبك تكمل صلاة .. اتفضل
( س ) في كسوف : ليأتي ملكوتك
الله : طيب يعني اية ليأتي ملكوتك
( س ) : معرفش برضو .. هي جملة كدة بنقولها في الصلاة بس
أكيد يعني مش معناها حاجة وحشة
الله : جميل .. اتفضل كمل
( س ) في إعادة من الأول لأبانا الذي كلها بصوت خافت لأنة
مش حافظها
( س ) : لتكن مشيئتك كما في السماء كذلك على الأرض
الله : يعني انت حقيقي عايز مشيئتي هي اللي تكون
( س ) : أكيد يا رب
الله
: امال لية مش بتعمل الحاجات اللي تنفذ بيها مشيئتي .. ولية دايما بتطلب
وبتلح على اللي انا مش عايزة ليك .. ولما اخليك تجرب واديهولك ترجع تقول
لية يارب كدة
( س ) : معرفش بأة .. ممكن أكمل صلاة عشان الامتحان
الله : طبعا .. اتفضل
( س ) :خبزنا كفافنا اعطنا اليوم
الله : مكتفي باللي هديهولك
( س ) : اة .. انا لما بعترض يعني مبيكونش قصدي حاجة غير اني بس تتوفرلي الظروف الكويسة عشان اعرف اقرب منك يا رب
الله : اة .. طيب اتفضل كمل
( س ) : اكمل ازاي بس .. اللي جاية دي مش هتعديهالي بالساهل
الله : لية قولها ونشوف
( س ) في خجل شديد وصوت متقطع
( س ) : وإغفر لنا ذنوبنا كما نغفر نحن أيضا للمذنبين إلينا
الله : انا مش هعلق عليها .. بس هل انت شايف ان اللي بتقولو انت بتعملوا
( س ) : ازاي يعني
الله : يعني هل انت فعلا بتغفر للي بيسيئوا ليك وعايزني اغفرلك
( س ) : في الحقيقة لا . .انا حتى انهاردة اتخانقت مع صاحبي عشان شتمني
الله : طيب امال بتقولها لية
( س ) : زي ماقولتلك يارب هي اكيد حاجة مش غلط او مش عيب اني اقولها
الله : هو انت بتقول الحاجات اللي مش عيب ولا الحاجات اللي انت مصدقها وحاسسها
( س ) : مش عارف .. بس احنا كلنا اتعودنا عالكلام دة ولازم اقوله عشان تقف معايا
الله : عموما اتفضل كمل عشان معطلكش
( س ) : حاضر ,, ولا تدخلنا في تجربة لكن نجنا من الشرير
الله : فاكر اخر خطية عملتها
( س ) في خجل شديد
(س ) : اة فاكر
الله : طيب هل انا اللي ادخلتك في التجربة دي
( س ) : لا .. دة انا حتى اللي مرضتش ابطل مع اني كنت سامع حاجة بتقولي غلط
الله : طيب امال ازاي بأة بتقول لا تدخلني في تجربة وانت اللي بتروح للتجربة برجليك
( س ) : برضو مش عارف
الله : طيب هتقول حاجة تاني
( س ) : اة اللي جاي عادي
لان لك الملك والقوة والمجد الي الأبد امين .
الله : طيب اسيبك تنام
(
س ) : لا يارب .. انا حاسس ان انا مش راضي عن نفسي .. طول النهار في خطية
ووجع وألم وبعد عنك وإنكار ليك وأجي بليل اصلي ابانا الذي اللي انا طلعت مش
فاهمها دي ومش بنفذها عشان بس تقف معايا
وكأني يارب بعرفك عشان مصلحتي
الله : جميل انك تقول الكلام دة .. تعرف ان اللي انت قولته دة صلاة
( س ) : صلاة ازاي انا متكلمتش بالفصحى ! ولا حتى قريت اي مزمور ولا قولت ابانا الذي !
الله : هو لازم عشان تصلي وتكلمني تكون حافظ مزمور او تكون بتتكلم بالفصحى مانا بعرف اتكلم عامية وبفهمها زيك بالظبط
( س ) : اسف يارب مقصدتش .. يوووه .. ماحنا متعودين على كدة لازم عشان اصلي اقف يارب قدامك بكل خشوع واقرى مزمور واتكلم بالفصحى
الله : طيب تسمحلي افهمك حاجة عشان اسيبك تنام
( س ) : اكيد يارب .. ياريت لو افضل معاك كدة للصبح
الله : الصلاة يا ابني هي اساس علاقتي بيك .. هل ينفع يكون ليك علاقة بحد من غير ماتكون بتكلمه باللي فـ قلبك
( س ) : اكيد لا
الله
: هي دي الصلاة .. كل الكلام اللي في قلبك تقولوا .. من غير تزويق ولا
تشكيل .. انا عارفك وبحبك زي مانت .. انا بحبك قبل ماتوجد
طلع كل اللي في قلبك وقول عيوبك من غير فصحى ومن غير كلام انت مش فاهمو ولا بتعملوا خليك صريح معايا وانا بحبك مهما كنت بتغلط
ولأنك مش هتقدر تغير نفسك من غيري لازم تقولي على اللي بيتعبك وبيدايقك عشان اغيرك
انت ابني وانا بيصعب عليا اشوف اولادي في الخطية كدة ولما بييجوا يكلموني يغيروا نفسهم ويظهروا بصورة تانية
(س ) : تعرف يارب اني ارتحت بالكلام معاك .
الله : وهي دي الصلاة عايزك بس تفتحلي قلبك
( س ) : حاضر يارب .. صدقني من هنا ورايح مش هاقول غير اللي فـ قلبي
الله : طيب اسيبك تنام بأة عشان الإمتحان ومتنساش انت تعبت واجتهدت وانا هقف معاك بكرة
( س ) : شكرا يارب .. تصبح على خير .
ــــــ
ياريت يا جماعه ناخد بالنا اوي من صلاتنا ونتخيل كدة لو ربنا رد علينا واحنا بنكلمو
عشان نعرف احنا بنقول اية وهل بننفذ اللي بنقولو ولا لأ
ونفتح قلبنا قدام ربنا ونقولو عيوبنا ونطلب بجد تغييرها بالقرب منه
مكتوب
وحينما تصلون لا تكرروا الكلام باطلا كالأمم فانهم يظنون انه بكثرة كلامهم يستجاب لهم .
متى إصحاح 6
ياريت منكررش كلام احنا مش حافظين معناه
بالنسبة للأخوة المعترضين
انا مبقولش اننا ش ابانا الذي او منقراش مزامير
بالعكس
انا بقول نفهم ابانا الذي يعني اية
ونفهم المزمور بيتكلم عن اية
عشان نقولو بروح مش بحفظ قدام الله
كتير اوي بنقول ابانا الذي
اللي بيقولها يوم الامتحان الصبح
واللي بيقولها قبل مايسوق
واللي بيعتبرها اصلا هي صلاته كلها .. يعني علاقتة بربنا كلها ابانا الذي قبل ماينام
وكأنها فرض بنعمله او حاجة سوري في اللفظ بنضحك بيها على ربنا عشان يقف معانا في الامتحانات ويحفظنا من خطر السواقة وزحمة الطريق
تخيلت مرة لو انا بقول ابانا الذي وربنا رد عليا
اة
مانا بقولهالو هو
وبنادية في الأول : ابانا الذي
كتبت حوار كدة تخيلتة من خلال ابانا الذي بين (س) اللي بيقول ابانا الذي وبين الله
في يوم بعد عناء مذاكرة طويل قبل الإمتحانات وبعد ما دقت الساعة 12 ص وجه وقت النوم إفتكر ( س ) ابونا وهو بيقولوا صلي في الكنيسة
ولأن
تقريبا في بيتهم الوالد و الوالدة معودينوا على ان الصلاة هي ابانا الذي
فقال هصلي ابانا الذي عشان ربنا يقف معايا بكرة في الامتحان وبدأ
( س ) : أبانا الذي في السموات
فجأة سمع صوت
الله : نعم
قام اخونا ( س ) قفل الشبابيك وبص حوالية ملقاش حد ورجع تاني
( س ) أبانا الذي في السموات
نفس الصوت إتكرر تاني
الله : أيوة .. سامعك
بصوت مرتجف اتكلم ( س )
( س ) : مين اللي في الاوضة .. مين اللي بيرد عليا
الله : مش انت بتقول ابانا الذي في السموات
( س ) : اة
الله : طيب انا ابوك اللي في السماوات وسامعك اتفضل اتكلم
( س ) في ذهول وخوف وحيرة وبصوت متردد وضعيف وخافت
( س ) : ليتقدس أسمك
الله : عارف يعني اية ليتقدس اسمك
( س ) في خوف : لا
الله : امال بتقولها لية
( س ) : اهي جملة كدة بقولها في الصلاة بس معرفش معناها
الله : طيب هسيبك تكمل صلاة .. اتفضل
( س ) في كسوف : ليأتي ملكوتك
الله : طيب يعني اية ليأتي ملكوتك
( س ) : معرفش برضو .. هي جملة كدة بنقولها في الصلاة بس
أكيد يعني مش معناها حاجة وحشة
الله : جميل .. اتفضل كمل
( س ) في إعادة من الأول لأبانا الذي كلها بصوت خافت لأنة
مش حافظها
( س ) : لتكن مشيئتك كما في السماء كذلك على الأرض
الله : يعني انت حقيقي عايز مشيئتي هي اللي تكون
( س ) : أكيد يا رب
الله
: امال لية مش بتعمل الحاجات اللي تنفذ بيها مشيئتي .. ولية دايما بتطلب
وبتلح على اللي انا مش عايزة ليك .. ولما اخليك تجرب واديهولك ترجع تقول
لية يارب كدة
( س ) : معرفش بأة .. ممكن أكمل صلاة عشان الامتحان
الله : طبعا .. اتفضل
( س ) :خبزنا كفافنا اعطنا اليوم
الله : مكتفي باللي هديهولك
( س ) : اة .. انا لما بعترض يعني مبيكونش قصدي حاجة غير اني بس تتوفرلي الظروف الكويسة عشان اعرف اقرب منك يا رب
الله : اة .. طيب اتفضل كمل
( س ) : اكمل ازاي بس .. اللي جاية دي مش هتعديهالي بالساهل
الله : لية قولها ونشوف
( س ) في خجل شديد وصوت متقطع
( س ) : وإغفر لنا ذنوبنا كما نغفر نحن أيضا للمذنبين إلينا
الله : انا مش هعلق عليها .. بس هل انت شايف ان اللي بتقولو انت بتعملوا
( س ) : ازاي يعني
الله : يعني هل انت فعلا بتغفر للي بيسيئوا ليك وعايزني اغفرلك
( س ) : في الحقيقة لا . .انا حتى انهاردة اتخانقت مع صاحبي عشان شتمني
الله : طيب امال بتقولها لية
( س ) : زي ماقولتلك يارب هي اكيد حاجة مش غلط او مش عيب اني اقولها
الله : هو انت بتقول الحاجات اللي مش عيب ولا الحاجات اللي انت مصدقها وحاسسها
( س ) : مش عارف .. بس احنا كلنا اتعودنا عالكلام دة ولازم اقوله عشان تقف معايا
الله : عموما اتفضل كمل عشان معطلكش
( س ) : حاضر ,, ولا تدخلنا في تجربة لكن نجنا من الشرير
الله : فاكر اخر خطية عملتها
( س ) في خجل شديد
(س ) : اة فاكر
الله : طيب هل انا اللي ادخلتك في التجربة دي
( س ) : لا .. دة انا حتى اللي مرضتش ابطل مع اني كنت سامع حاجة بتقولي غلط
الله : طيب امال ازاي بأة بتقول لا تدخلني في تجربة وانت اللي بتروح للتجربة برجليك
( س ) : برضو مش عارف
الله : طيب هتقول حاجة تاني
( س ) : اة اللي جاي عادي
لان لك الملك والقوة والمجد الي الأبد امين .
الله : طيب اسيبك تنام
(
س ) : لا يارب .. انا حاسس ان انا مش راضي عن نفسي .. طول النهار في خطية
ووجع وألم وبعد عنك وإنكار ليك وأجي بليل اصلي ابانا الذي اللي انا طلعت مش
فاهمها دي ومش بنفذها عشان بس تقف معايا
وكأني يارب بعرفك عشان مصلحتي
الله : جميل انك تقول الكلام دة .. تعرف ان اللي انت قولته دة صلاة
( س ) : صلاة ازاي انا متكلمتش بالفصحى ! ولا حتى قريت اي مزمور ولا قولت ابانا الذي !
الله : هو لازم عشان تصلي وتكلمني تكون حافظ مزمور او تكون بتتكلم بالفصحى مانا بعرف اتكلم عامية وبفهمها زيك بالظبط
( س ) : اسف يارب مقصدتش .. يوووه .. ماحنا متعودين على كدة لازم عشان اصلي اقف يارب قدامك بكل خشوع واقرى مزمور واتكلم بالفصحى
الله : طيب تسمحلي افهمك حاجة عشان اسيبك تنام
( س ) : اكيد يارب .. ياريت لو افضل معاك كدة للصبح
الله : الصلاة يا ابني هي اساس علاقتي بيك .. هل ينفع يكون ليك علاقة بحد من غير ماتكون بتكلمه باللي فـ قلبك
( س ) : اكيد لا
الله
: هي دي الصلاة .. كل الكلام اللي في قلبك تقولوا .. من غير تزويق ولا
تشكيل .. انا عارفك وبحبك زي مانت .. انا بحبك قبل ماتوجد
طلع كل اللي في قلبك وقول عيوبك من غير فصحى ومن غير كلام انت مش فاهمو ولا بتعملوا خليك صريح معايا وانا بحبك مهما كنت بتغلط
ولأنك مش هتقدر تغير نفسك من غيري لازم تقولي على اللي بيتعبك وبيدايقك عشان اغيرك
انت ابني وانا بيصعب عليا اشوف اولادي في الخطية كدة ولما بييجوا يكلموني يغيروا نفسهم ويظهروا بصورة تانية
(س ) : تعرف يارب اني ارتحت بالكلام معاك .
الله : وهي دي الصلاة عايزك بس تفتحلي قلبك
( س ) : حاضر يارب .. صدقني من هنا ورايح مش هاقول غير اللي فـ قلبي
الله : طيب اسيبك تنام بأة عشان الإمتحان ومتنساش انت تعبت واجتهدت وانا هقف معاك بكرة
( س ) : شكرا يارب .. تصبح على خير .
ــــــ
ياريت يا جماعه ناخد بالنا اوي من صلاتنا ونتخيل كدة لو ربنا رد علينا واحنا بنكلمو
عشان نعرف احنا بنقول اية وهل بننفذ اللي بنقولو ولا لأ
ونفتح قلبنا قدام ربنا ونقولو عيوبنا ونطلب بجد تغييرها بالقرب منه
مكتوب
وحينما تصلون لا تكرروا الكلام باطلا كالأمم فانهم يظنون انه بكثرة كلامهم يستجاب لهم .
متى إصحاح 6
ياريت منكررش كلام احنا مش حافظين معناه
بالنسبة للأخوة المعترضين
انا مبقولش اننا ش ابانا الذي او منقراش مزامير
بالعكس
انا بقول نفهم ابانا الذي يعني اية
ونفهم المزمور بيتكلم عن اية
عشان نقولو بروح مش بحفظ قدام الله
