من طرف marian السبت مايو 21, 2011 9:14 pmصرخ الشيطان ...وقال حرام هو كل حاجة تلبسوهالى .... هو حد قلكم أنى عبيط .... أنا لازم اعترف لكم بالحقيقة .... ولو مقتنعتوش قولولى .
انا فى عصر دقلديانوس غلط ...وقعدت اقتل في المسيحيين وكنت ساعتها خايف من كلامهم الا ينتشر والناس تقتنع بيه ...و...أنا أيامي تقرب .... فموت ناس كنير .... ولاقيت برده أيامي بتقرب ....وكل واحد كان بيتقتل بيدخل الفردوس ...طيب أنا هستفاد إيه .
أنا إيه اللي يخليني أموت ناس خارجين من الكنيسة ليلة عيد ... وشباب صغير لسة قلبه اخضر .... ما أنا اللي هخسر ... وفعلا خسرت لما لقيتهم واخدين اكليل الشهاده .
اه انا ممكن اخليهم يتخانقوا ...ويشتموا .... ويغضبوا .... وفى عز الغضب ...واحد يتقتل ساعتها هابقى مبسوط .... وساعتها هكسب روح عندى ....
ولاقيت ساعتها كله خارج يقول انى وسوست فى ودن ..... وخليته يوسوس .... ... حرام عليكم... ده ..... هو اللى وسوسلى وانا كنت رافض .
وتمر سنة .... ويموتوا 23 واحد وهما بيصلوا فى الكنيسة .... طيب وحد يصدق الكلام ده ..... ما أنا أخليه يموت ناس بتحشش .... بتسكر .... بتتخانق ... بتشتم .... إيه اللي ممكن استفادة لما ناس تدخل الجنة على قفايا ....
هو إيه.... هو أنا الحيطة المايلة بتاعتكم .....
اه أنا متغاظ إن الأقباط طيبين .... وميعملوش مشاكل .... وكل ضربة و ضربة .... ألاقيهم يقولوليلى يدافع عنكم وانتم صامتون .... تفتكروا أنا هاعمل ليه لما اسمع كده ؟ طبعا مش هخليهم يقربوا لل..... - مش قادر أقول اسمه- على حسابى .
اه انا ممكن اخللى واحد يضحك على واحدة علشان تسيب دينها .... ساعتها بفرح .... وبفرح لما تسمع كلامه ...هو ده اللي أنا بشتغل عليه .
اخللى الشباب يسب ويلعن ...يشرب ...لكن تفتكروا أنى بالغباء أنى اخلى واحد يموت ناس وهما بيصلوا ...يا ريت تشغلوا مخكو شوية .
صدقوني .... رغم أنى عارف انكم عارفين انى كذاب لكن المره دى صدقونى ...إيه اللي أنا هستفاده .... في ناس بقوا شياطين اكتر منى .... شياطين وبرضه بيوسوسوا بس لمصلحتهم ...
يعنى لو شفتونى أنا وال.....هتعرفوا انى راجل محترم ...
ولو شوفتونى مع ..... ...... هتقولوا عليا تقى ....
ولو شوفتونى مع .... ..... هتفتكرونى ولى .....
ولو شوفتونى مع ... ..... هتتأكدوا انى قديس ......
صدقوني انا جسمي اشعر لما شوفت الجريمة ....وبكيت .... لان دول قدروا يتفوقوا عليا ... أنا خايف يتسحب منى الاسم .... أو ارجع تانى ملاك ...
أنا بعلن قدامكم برائتى ...وأكيد اقتنعتوا.......!!!
