تصرفاتى واسلوب حياتى مش عاجباك ..مش كدة؟؟؟
بتكلم عنك كتير لكن مش بكلمك ..مش كدة؟؟
كل يوم بوعدك انى هتغير ومش بوفى.. مش كدة؟؟
بقول انك ابويا وحبيبى وانت اخر شخص بفكر فيه ..مش كدة؟؟
مستنيك دايما تسامحنى وانا بزعل ومش بسامح على اقل حاجة ..مش كدة؟؟
بتكلم كتير مع كل الناس وعندك انت بتعب وبيتقل عليا النوم والارهاق.. مش كدة؟؟
بقضى وقت كتير فى حاجات ملهاش لزمة ووقتى معاك بعتبره عبء تقيل عليا ..مش كدة؟؟
بقرا مجلات وكتب كتير بمتعة واجى عند كتابك المقدس وبحس بملل وعدم فهم ..مش كدة؟؟
بروح الخدمة باستمرار وبقول انى بخدمك لكن الحقيقة انا بحب نفسى ..مش كدة؟؟
بتناول واحضر قداسات وفاكر نفسى بعمل عمل عظيم لكنى من جوة فاضى.. مش كدة؟؟
بعترف كل شهر بكل حاجة وبرجع اعملهم تانى بالمللى لانى مش مهتم بتوبتى.. مش كدة؟؟
بسمع صوت ناس كتير وبصدق كلامهم ولكن صوتك انت بطنشه وانا عارف انك بتنده ..مش كدة؟؟
بدور على الحب وبشحت الحب من العالم برغم انك ممكن تشبعنى حب وتغمرنى ..مش كدة؟؟
بعاملك بقسوة وبتهمك احياناً بانك مش فاكرنى وسايبنى تعبان ..مش كدة؟؟
لما صديق يسيبنى ولا حبيب يجرحنى بحس ان الدنيا سودا وبنساك بنساك ..مش كدة؟؟
بنسى صليبك وبعتبره ذكريات متخصنيش ومش حاسس انى انا السبب ..مش كدة؟؟
بسمح لأفكار كتير تتعبنى ومش بفكر اشغل تفكيرى بيك ..مش كدة؟؟
بتمنى الموت لما بتعب من الدنيا وناسى انك انت المفروض تكون هدف حياتى ..مش كدة؟؟
ياااااااااااااااااااااه يا ربى انا عارف اد ايه انا تاعبك معايا
اد ايه انت حنين ومستحملنى
انا بجد مش عارف اقولك ايه...!!
يا اجمل اب واجمل صديق واجمل وجود فى الوجود
ربى بجد انا بحبك
متزعلش منى انا بحبك بحبك
وان كانت كل حياتى ممكن تظهر غير دة
لكن صدقنى بحبك
جوايا بيحبك
ولما ببعد عنك بتعب
سامحنى ارجوك
عارف انى مش استاهل
لكن عارف برضه
انى ابنك
ارجوك ارفعنى وساعدنى اتغير
انا بجد عاوز اتغير
عاوز اتغير
هتساعدنى يا بويا ....مش كدة؟؟
