حكاية عطاء

كنيسة الشهيد العظيم مار جرجس
بالسنطة
تقدم
مسرحية


الشخصيات

جدو : البعد المادى ( كبير السن , يرتدى الماسك )

ماريو : طفل شقى خفيف الظل يكرة الاوامر التى تطلبها منة والدتة )


ميروو: طفل تدور حولة احداث القصة وهو يريد ان ينفذ اى طلب عن طريق النقود ) ادفع مقابل الخدمة )

الام : ام طيبة تحب ابنها وتريد ان تلقنة درسا وتغير ما يعتقدة من ان كل شىء مقابل المال)



جدو ( يقراء فى كتاب )*
ماريو : اية يا جدو هو انت قاعد هنا وانا بدور عليك
جدو : مالك يا ماريو زعلان كدة لية .
ماريو : انا مش زعلان انا زهقان
جدو : زهقان . من اية يا ماريو . انا عايزك تحكيلى الحكاية بلتفصيل
ماريو : يا جدو مفيش حكاية ولا حاجة . كل الحكاية ان انا تعبت من كثر الطلبات الى عليا
كل يوم ماما تصحينى بدرى واقوم اجيب الفطار واجى البس هدومى واروح المدرسة واجى اروح الدرس وبعد دة كلة اقوم اعمل الواجب ولما اجى اتفرج على التلفزيون ماما تزعقلى وتقولى اقعد ذاكر
جدو : يا كل دة . لا لا دى حاجة فعلا تزهق دا انت بتتعب قوى يا ماريو
ماريو : مش كدة يا جدو
جدو : طبعا . انا بهزر يا ماريو انت كل الى بتعملة والحاجات الى انت بتعملها دى كلها انت بتعملها لنفسك اولا ثم بتعملها لاسرتك الى بيحبوك تعالى انا حكيلك حكاية واحد كان عندة نفس مشكلتك
ماريو : نفس مشكلتى. يعنى بيقف فى طابور العيش
جدو : طابور عيش اية يا ماريو
الحكاية بين ميرو الى كان عندة ام بتحبة جدا بس هو مكنش عارف هى بتحبة اد اية ..................................


ماما : ميرو .. يا ميرو ..
ميرو : نعم ياماما
ماما : ممكن يا ميرو تنزل تجيب عيش .. لاحسن مفيش فى البيت عيش خالص
ميرو : ا م م م م .. حاضر ياماما
..تخرج ماما ويبدا ميرو يفكر ويكلم نفسه .. مع وجود موسيقى تصويريه عن التفكير ..ووجود اضاءه
مركزه على ميرو .. ويقول ..
ميرو : كل شويه ماما تطلب منى طلب .. وانا اعمله .. انا لازم اعمل ورقه .. واكتب فيها ثمن تعبى .. واى
حاجه ماما تطلبها منى .. اعملها .. واكتب فى الورقه حق تعبى
.. يبدا ميرو يمسك ورقه ويقول
ميرو : وادى الورقه اللى ها اكتب عليها .. فاتوره لماما .. اكتب فيها ثمن كل حاجه ماما تطلبها منى ..علشان
اخد من ماما فلوس حق تعبى .. علشان ماما بتطلب منى حاجات كتيره .. وانا بتعب واعملها .. واول
حاجه ها اكتبها فى الفاتوره جنيه علشان ماما نزلتنى اجيب عيش..
.. تدخل ماما وهو بيكتب الفاتوره .. وتقول له ..
ماما : جبت العيش ياميرو ..
ميرو : لســــــــــه .. هاانزل دلوقتى اجيب العيش ..
ماما : وعايزاك ياميرو تبقى تعلق هدومك فى الدولاب ..وتوضب الاوضه بتاعتك
ميرو : حاضر ياماما .. وادى كمان جنيه علشان ماما طلبت منى اعلق هدومى .. وكمان جنيه علشان ماما طلبت
منى اوضب الاوضه بتاعتى .. ايوه كل واحد ياخد حق تعبه ..
.. يبدا ميرو يوضب الاوضه .. ويعلق هدومه .. وينزل يشترى عيش .. وفى اثناء ذلك يكون هناك موسيقى تصويريه .. ويدخل ميرو مره تانيه المسرح .. ويقول ..
ميرو : ماما .. انا جبت العيش .. اتفضلى ياماما ..
ماما : شاطر ياميرو .. ياللا بينا نذاكر .. علشان الامتحان قرب .. وانا ها احضر الاكل
ميرو : حاضر يا ماما .. انا ها اذاكر .. وها اعمل الواجب..
.. يطلع ميرو الورقه ويكتب فيها
ميرو : وادى كمان جنيه علشان ماما طلبت منى .. اذاكر واعمل الواجب ..
ماما : ياللا ياميرو علشان تاكل ..
ميرو : حاضر ياماما ..
.. يبدا يخرج ميرو الورقه ويكتب فيها ..
ميرو : وادى كمان جنيه علشان ماما طلبه من ميرو ييجى ياكل ..
.. ويبدا ميرو يقول بصوت عالى .. وفى اثناء ذلك تكون ماما بتحضر الاكل
ميرو : انا دلوقتى اجمع كل اللى كتبته فى الورقه .. اجمع يا ميرو .. ياللا ياشاطر .. علشان تاخد من ماما
الفلوس.. جنيه لما ماما نزلتنى اجيب عيش .. و جنيه لما ماما طلبت منى اعلق هدومى .. وجنيه لما
ماما طلبت منى اوضب الاوضه بتاعتى .. وجنيه لما ماما طلبت منى اذاكر واعمل الواجب .. وجنيه
لما ماما طلبت منى اجى اكل .. يبقى كام ياميرو .. جنيه + جنيه يبقى ( 2 ) جنيه +جنيه يبقى ( 3 )
جنيه + جنيه يبقى ( 4 ) جنيه + جنيه يبقى ( 5 ) جنيه .. ياللا بسرعه ياميرو علشان تاخد من ماما حق
تعبك ..
..يقدم ميرو الورقه لماما .. ويقول ..
ميرو : ماما مطلوب منك ياماما كل اللى فى الورقه دى ..
.. تفتح ماما الورقه .. وتقول ..
ماما : جنيه لما ماما نزلتنى اجيب عيش .. و جنيه لما ماما طلبت منى اعلق هدومى .. وجنيه لما ماما طلبت
منى اوضب الاوضه بتاعتى .. وجنيه لما ماما طلبت منى اذاكر واعمل الواجب .. وجنيه لما ماما طلبت منى اجى اكل .. يبقى المجموع ( 5 ) جنيه.. حاضر يا ميرو .. تعالى علشان تاكل .. وانا ها اجيب لك
الفلوس ..
.. فرح ميرو وبقى يتنطط .. ويقول ..
ميرو : يا سلام .. انا كل ما ماما تطلب منى حاجه..علطول اكتبها واخد فلوس .. حق تعبى ..
.. تبدا ماما تحضر الاكل .. وتقول ..
ماما : ياللا يا ميرو الاكل جاهز
ميرو : حاضر ياماما
..ييجى ميرو ياخد الفلوس .. ويحطها فى جيبه .. وكان جنب الفلوس ورقه ماما حتطها
.. ياخد ميرو الورقه ويقراها بصوت عالى . . ويقول ..
ميرو : ببلاش لما ماماقعدت جنب ميرو لما كان تعبان .. ببلاش لما ماما راحت توصل ميرو المدرسه ..
ببلاش لما ماما قعدت تذاكر مع ميرو .. ببلاش لما ماما غسلت هدوم ميرو .. ببلاش لما ماما
حضرت الاكل لميرو .. يبقى المجموع ببلاش ..
..يبدا ميرو يشعر انه غلط .. ويروح لماما .. ويقول لها ..مع موسيقى تصويريه عن الندم ..
ميرو : انا متاسف ياماما .. علشان كتبت الورقه .. وقلت انا عايز فلوس .. حق تعبى .. وانت ياماما دايما
بتتعبى .. وبتسهرى جانبى .. ومش بتاخدى فلوس لتعبك معايا .. سامحينى ياماما انا متاسف
.. تبدا تدخل ترنيمه الام .. وتقول الام ..
ماما : انا مبسوطه منك يا ميرو علشان دايما شاطر .. وبتسمع الكلام .. ودايما بتعمل واجبك .. انا عايزاك
علطول تكون شاطر وتجيب مجموع كبير علشان تفرحنى ..
راوى : وميرو عرف انه غلط .. وكتب ورقه لماما علشان ياخد منها فلوس حق تعبه .. وعرف ان ماما دايما
بتتعب من غير ماتطلب فلوس على تعبها .. وكل حاجه بتعملها ببلاش .. واحنا كلنا لازم نعرف ان
ماما دايما تتعب علشانا .. ولازم نساعدها ونسمع كلامها .. ونقولها فى عيد الام .. كل سنه وانت طيبه ياماما
.. ونصلى لربنا انه يحافظ عليها ويخليها لينا دايما بصحه كويسه..

***********************
يدخل الجد ومعة ماريو

جدوو : وفعلا يا ماريو راح ميرو وجاب هدية للماما وهى فرحت جدا انة جاب لها هدية
ماريو : هدية : اكيد بعد معرف هى بتتعب اد اية علشانةجاب لها هدية كبيرة وبفلوس كتــــــــــــــــــــــــيرة
جدوو : فلوس فلوس اية يا ماريو الهدية مش بقيمتها المادية ولا بشكلها المهم انها تكون من القلب تعبر عن الحب ممكن تكون وردة فيها محبة ومودة والام يا ماريو مش محتاجة منا هدية ولا حتة كلمة شكر لانها ام العطاء الام زى الكنيسة تضم اولادها حواليهاوتفرح لما ابنها يرجع ليها
ماريو : يا . جدو انت فتحت عنيا على حاجات كتير كانت غايبة عنى انا لازم يا جدو اجيب هدية لماما حتى لو كانت

كل سنة وانت طيبة يا امى
منقول من منتدى
كنيسة الشهيد العظيم مار جرجس
بالسنطة
مسرحية