موضوع اليوم مهم جداا كيف تتم علاقتك مع الله الصلاه والحديث مع الله
البعض يقول الصلاه انك تقف امام صوره السيد المسيح وتصلى واللى يقول لك غمض عينك واللى يقول لك اقراء مزامير واللى يقول لازم تصلى فى الكنيسه
الصلاه ما هى الا انك بتكلم ربنا تعبان عاوز ترمى همومك عليه من طريق الصلاه تشكره عن طريق الصلاه عاوز تفضفض معاه لازم الانسان يعرف ان الله عالم به وما يريد انم يقوله من قبل ان ينطق به بدليل انه عندما يخاطبه يقول ابانا الذى فى السماوات لايقول الله الذى فى السماوات او السيد لا ابانا معنى ابانا دى معنى عظيم فى بينك وبين ربنا ابوه انت ابنه وهو بيحبك وقبل ما تطلب بيستجيب وعمره ما هيعمل ليك شر لكن ممكن الخير اللى انت شايفه ليك يكون شر الصلاه سهله جدا وغير معقده لو انت ماشى فى الشارع وكنت بتصلى بتكلم ربنا دى صلاه
محدش يفهم انى بقول ان المزامير لا لكن الصلاه ممكنه فى اى وقت وفى اى مكان وفى اى وضعيه ممكن انت وعلى السرير تصلى وربنا يستجيب لك وصلاتك تعمل المستحيل محدش يقول الله بيسمع للقديسين بس لا احنا ليه بنقول قديسين لان روح الله المقدسه اللى فيهم بتعمل فسمناهم قديسين لان اللى جواهم قدوس القديسين متولدوش قديسين لا ناس زينا وبالجهاد وصلو واصبحو قديسين لازم نجاهد على قدر استطاعتنا وهنقع ونقوم ونقع وونقوم فى الاخر هنقوم مش هنقع تانى اعرف انك لو قلت يارب دى صلاه
صلو كل حين ولا تملو
ربنا يدينا بركه الصلاه الدائمه
