نص مسؤحيه الشهيد فوكاس

+ بسم الثالوث القدوس +
* خـــــدمــــــــه *
+ ابونا عبد المسيح لوسائل الايضاح بقنا +
((((( الشهيد فوكاس البستانى))))))


يدخل فى بدايه القصه 2 جنود رومانى عكس بعضهم فى طباعهم
الاول يدعى (بولونيوس) وهو لا يحب ان يفكر فى شئ
الثانى يدعى (باسيليوس) وهو حكيم و ذكى
تفتح الساتاره وهو واقفون فى صف واحد وصوت من الخارج يقول
صوت القائد:جنــــــــود ((صفا))
يصنع الاول حركه والثانى ينقلها منه
صوت القائد: ((انتباه))
يصنع الاول الحركه والثانى ينقلها منه يقع
صوت القائد: ياجندى بولونيوس امسك نفسك بقالك 20 سنه جندى ولسه محفظتش الحركات البسيطه دى اما لو قلتلك تعمل حاجات اصعب هتعمل ايه ؟!
فاسيليوس: تمام يا فندم
صوت القائد: على العموم انتوا اختارتكم القياده العسكريه من قبل الامبراطور دقلديانوس علشان تنفزوا الحكم بالاعدام على الراجل ده اللى اسمه فوكاس ....... وده شغال بستانى وساكن عند البحر الاسود فى رعايه الالهه ومتجوش من غيره ...اتفضلوا


اثناء الحوار السابق يركز باسيليوس ومهتم بسماع الكلام .....اما بولونيوس ينام وعند نهايه الحوار يظل بولونيوس ثلث فى مكانه الى ان يخرج باسيليوس ويدخل قائلا
باسيليوس : ايه ده انت مين ياعم ؟ بولونيوس : انت بولونيوس مالك؟
بولونيوس : ايه ده هوه خلص كلامه
باسيليوس : ياراجل من بدرى
بولونيوس: من بدرى....ياه... وانا اقول ....الدنيا بقت هدوء كده ليه على العموم الحمد لله ....نكمل نوم ذذذذذذذذذذذ ((ينام))
باسيليوس :ات ياعم هتنام تانى ...يلا علشان ننفذ المهمه
بولونيوس : ننفد المهمه؟؟ ودى حاجه كويسه ؟؟
باسيليوس: طبعا دا احنا لازم ننفذ المهمه اللى هما بعتونا ليها علشان لو منفذنهاش هايعقبونا ولو نفذناها يكفئونا
بولونيوس: هايكفئونا .... ودى حجه كويسه صح؟؟
عل العموم يلا بسرعه علشان نحلق نروح ونيجى ويكفئونا
باسيليوس : يلا (( ويخرج باسيليوس وبولونيوس نام مكانه ))
يدخل باسيليوس
باسيليوس : ايه ده انت نمت تانى ولا ايه
بولونيوس: خلاص يا ماما روحى دلوقتى وهما هيكفئونا
باسيليوس : ماما ...؟ ماما ايه ياعم انت قوم يلا
بولونيوس : اقوم ....ليه هنروح فين
باسيليوس : ابه ده انت مش عارف هنروح فين على فوكاس وننفذ حكم الموت
بولونيوس : ننفذ حكم الموت ودى حاجه كويسه؟؟
باسيليوس: طبعا... علشان ده بيعبد المسيح .. واى حد يعبد المسيح لازم جزاءه الموت ويكون عبره لكل من لا يعتبر
بويونيوس : يكون عبره لمن لا يعتبر ...اه ودى حاجه كويسه
باسيليوس : هوانت متقدرس تفكر لوحدك وتعرف اذا كانت حاجه كويسه او حاجه وحشه



بولونيوس: افكر ليه واتعب نفسى ....مدام انت معايا وممكن تجاوبنى
باسيليوس: خلاص وانا هجاوبك
بولونيوس : هاتجوبنى ...اه على ايه ؟؟
باسيليوس: اى حد يعبد اى حد غير الهتنا العظيمه لازم يموت
بولونيوس: لازم يموت
باسيليوس و بولونيوس : ودى حاجه كويسه؟؟
باسيليوس : طبعا لا علشان ده عقاب لاى حد مش كويس زى فوكاس.... بس الغريب....يا بولونيوس ان الجماعه المسيحين دول بيحبوا اوى الموت لدرجه انهم بيشهوا الموت .... ودى حاجه مش كويسه بالنسبه لينا لكن كويس اوى بالنسبه لهم لدرجه انهم يجوا بنفسهم علشان يموتوا
بولونيوس: طيب ليه هما وحشين ؟؟ وليه احنا بنموتهم ؟؟
باسيليووس : الامبراطور بتاعنا بيقول المسيحين دول عايزين يحكموا العالم علشان كده الامبراطور صدر اوامره ان اى حد مسيحي لازم يموت
بولونيوس: طيب وفوكاس البستانى ده ...احنا رايحين نموته ليه
باسيليوس : علشان ده مسيحي وكمان بيبشر بالمسيح فى كل حته وبيكلم الناس عن المسيح
وهنا يدخل شحات ويطلب منهم الشحاته
الشحات :لله يا محسنين حسنه قليله تمنع بلاوى كتيره
بولونيوس : ايه ده يا باسيليوس مين ده ؟؟
باسيليوس : ده شحات !؟
بولونيوس: شحات ..ودى حاجه كويسه ؟؟
باسيليوس : يوووه ... انا تعبت منك انت مابتفكرش خالص حاول تعرف لوحدك
بولونيوس: خلاص حاضر خد ...يا ...خد
الشحات: حاضر...........نعم ياسيدى
بولونيوس: انت بتعمل ايه
الشحات: انا ...انا .. بحاول الم اى فلوس علشان اشترى بيها اكل
بولونيوس: يعنى احنا لازم نديلك الفلوس دى ولا براحتنا اديك او ماديكش زى ما انا عاوز
الشحات: بص يا سيدى ده عمل خير وكل واحد يعمل عمل خير زى ما الاهه علمه ولو انت بتحب الخير هتعمله من غير ماتفكر اللى يعمل عمل خير بيتردله لان حبك وعملك الخير نابع من حبك لالهك اللى انت بتحبه
بولونيوس: ياه الموضوع ده صعب خالص يا باسيليوس ..انا مش قادر احدد الموضوع دا حاجه كويسه او دى حاجه مش كويسه
باسيليوس: سيبك ياعم من الكلام دا ..وخلينا ف شغلنا بلا عمل خير ...وخلى بالك ان احنا عمرنا ما هنبقى محتاجين لحد انه يردلنا الخير اللى ممكن نعمله
بولونيوس: عندك حق.........زيلا امشى انت من هنا ....بلا خير بلا هم
ويخرج الشحات
بولونيوس: لكن انت مقلتليش مين اللى حكم على الراجل ده اللى اسمه فوكاس بالموت وايه اللى خلاهم يقولوا عليه كده
باسيليوس: انا هاحكيلك ..الى حصل ان الامبرطور سمع عنه وعن اللى بيعمله ...فاصدر قرار انه يتحاكم ويموت وفى المحكمه حصل ....................
وهنا يدخل القاضى
ويقف الجنود وضع الانتباه
بولونيوس محكمه )
القاضي: باسم الدولة الرومانية وباسم قائدها المعظم الإمبراطور دقلديانوس ....قررنا
محاكمه الشاب المسيحى فوكاس الملقب بالبستانى بالأعدام وقطع رقبته بحد السيف وهذا نظرا لانه مسيحى ويقوم بدعوة اخرون للمسيح وانه يدعى انه يصنع خيرا بكل من حوله من رفهم ومن لا يعرفهم .........ينفذ الحكم ولتقطع رقبته
القاضي : جندى باسيليوس
باسيليوس: تمام يا فندم
القاضى : جندي بولونيوس
بولونيوس: تمام يا فندم
القاضى : اذهبوا وابحثوا عنه فى كل مكان ...واقتلوه واجعلوه عبره لكل من لا يعتبر .... واجعله عبره لكل من لا يعتبر
ويكررها الى ان يخرج
بولونيوس: دى حاجه كويسه صح ....علشان انت قولت لى عليها من شويه
طيب ادينا وصلنا اهه للحته اللى فيها الراجل فوكاس دة ... ياترى هنلاقيه ازاى
باسيليوس: مش مهم هنلاقيه ازاى ...المهم ان احنا نعبنا خالص ولازم نرتاح
بولونيوس: بجد.....فعلا .....نرتاح .....ودى حاجه كويسة
باسيليوس : هو انت مش حاسس ان احنا تعبنا ولازم نرتاح
بولونيوس : ايوة صح انا حاسس انى تعبان جدا ...بص هنتاح فين وهنقعد فين
باسيليوس : مش عارف (((وتظهر عليه ملامح التعب والارهاق ))) (((يدخل عليهم الشهيد فوكاس ولكن لا احد يعلم انه الشهيد فوكاس)))
الشهيد فوكاس: ايه ده مالكم ...انتوا تعبانين اوى ...تحبوا اساعدكم اعمل لكم اى حاجه
باسيليوس: احنا جايين من سفر بعيد ومحتاجين نرتاح شويه
بولونيوس: احنا عاوزين نرتاح ....بس احنا يا باسيليوس مرضيناش نريح الشحات اللى قابلناه تفتكر الراجل دا هيرضى يريحنا
باسيليوس : اسكت وده وقته !
فوكاس: على العموم ....انا بيتى مفتوح ليكم ...اعمل لكم اكل وكمان تناموا وترتاحوا شويه والصبح تقوموا تكملوا شغلكم ....وانا بيتى مش بعيد ..دا هنا ... انتوا واقفين قدام الباب بتاعى ..اتفضلوا اتفضلوا .. لحظه واحده عن اذنكم اروح احضرلكم لقمه تاكلوها بسرعه (((ويخرج فوكاس)))
باسيليوس: ياه الراجل دا طيب خالص...انا حبيته جدا ....وحاسس انه زى مايكون اخويا ...ياه ياريت كل الناس تبقى زى الراجل الطيب ده ...وتحب الخير كده
بولونيوس: وتحب الخير كده ....ودى حاجه كويسه؟؟
باسيليوس: طبعا .. انت مش شايف هو قدم لينا حب من غير حتى مايعرفنا او نعرفه ...دا احنا حتى منعرفش مين ده ؟!
بولونيوس: امال لما دى حاجه كويسه !.... احنا معملناش ليه كده مع الشحات.
باسيليوس: خلاص بقى ...انت هتقعد تقطمنى كل شويه ...خلاص بقى ما اللى حصل حصل
يدخل فوكاس ومعه صنيه مملؤه بالاكل ويقدمها لهم
فوكاس:اتفضلوا يا جماعه ......اتفضلوا بالهنا والشفا
بولونيوس: بالهنا والشفا ....دى حاجه كويسه؟؟
باسيليوس : ايوة يلا كل ((ويبدأوا الاكل بسرعه))
باسيليوس: انا خلصت اكل
بولونيوس: ودى حاجه كويسه ...يبقى انا كمان خلصت
فوكاس: انتوا باين عليكم كنتوا جعانين خالص ......بالهنا والشفا
باسيليوس: احنا متشكرين اوى يا عم
بولونيوس: ايوة احنا متشكرين اوى ياعم
فوكاس : ده عمل خير وانا علشان بحب اللى خلقنى بحب اعمل الخير ده مع كل الناس اللى حوليا علشان دى اقل حاجه ممكن اديها لالهى اللى بحبه من كل قلبى
لكن انتوا مقولتوليس انتوا جايين هنا تعملوا ايه؟!
باسيليوس: هنا فيه واحد مسيحي ...مخالف لقانون الدوله واحنا جايين علشان عندنا اوامر بقتله ...والراجل دا اسمه .. اسمه.. اسمه ايه يا بولونيوس ؟
بولونيوس: اسمه ايوة... انا عارفه بس انت قولهولى كده قولهولى وانا هاقوله
باسيليوس: فوكاس البســتانى
فوكاس : ايه اسمه فوكاس البستانى ؟!!
باسيليوس : هو انت تعرفه ولا ايه ؟
فوكاس: ايوة ..ايوة ...انا اعرف كويس خالص
ادخلوا ناموا دلوقتى وانا هاقولكم على مكانه فى الصبح انشاء الله
بولونيوس: هيقولنا على مكانه الصبح ... ودى حاجه كويسه ؟؟
باسيليوس : بس احنا بصراحه مش عارفين نقولك ايه انت اكرمتنا وضايفتنا بدون اى مقابل ..احنا مش عارفين نقولك ايه
بولونيوس: قوله.... دى حاجه كويسه؟؟
باسيليوس: يلا ندخل ننام
فوكاس : اتفضلوا من هنا ..اتفضلوا
يخرجوا ويخلس فوكاس ليصلى
فوكاس: ربى والهى يسوع المسيح ...اشكرك من اعماق قلبى يارب انت عودتنى انى اعمل الخير مع كل الناس دون مقابل اشكرك يارب على ده ... ادينى نعمه يارب انى اتمسك بيك وبحبك يالهى الغالى ..وطالما يارب بكرة فى استشهاد لابن من ابنائك ادينى يارب نعمه انى اقدر استحمل د هوانا دلوقتى هروح احضر الكفن واحضر القبر ...يارب من فضلك ادينى النعمه والقوة انى اقدر اعترف بيك واكون شهيدك الجديد ...يارب.. وانا دلوقتى هاروح احضر الحاجات اللى لازم احضرها ...مكان علشان اصلى فيه لحد الصبح ...(( ويخرج ))
((يدخل الجنود مستيقظين))
باسيليوس: يا هدا انا اول مره ارتاح فى النوم كده
بولونيوس: وانا كمان
باسيليوس: اول مره اصحى فايق كده
بولونيوس: وانا كمان
باسليوس: هو انت كده مابتحاولش تفكر خالص ...حاول تشغل دماغك شويه ...لازم تاخد قرار ف حياتك ياتبقى وحش يا تبقى حلو...ياتبقى عظيم يا تبقى عبيط انت حتى مش عارف تبقى فاهم ولا مش فاهم
فوكاس: صباح الخير ....انتوا نمتوا كويس
بولونيوس: ايوة احنا ....قولها ....قولها انا عارفها ((هزار))
باسيليوس: احنا مش عارفين نشكرك ازاى ....فرحانين خالص ...يلا بقى كمل جميلك وقولنا فين الراجل اللى اسمه فوكاس ده
فوكاس: فوكاس يا جماعه موجود هنا وتحت امركم وجاهز ومستعد انكم تنفذوا كل اوامركم
بولونيوس: هنا !! ... ودى حاجه كويسه ؟
باسيليوس: جدا....طيب هو فين؟
فوكاس: هنا ......قدامكم ..
بولونيوس: ايوة ... ياعم خلاص .....لقيته ...اهه ((ويمسك فى باسيليوس)) ومتنكر وعامل جندى من امبارح يلا
باسيليوس : ياابنى اعقل انا جندى معاك ... قلنا ياعم هو فين طيب غى انهى اوضه؟
فوكاس: انا فوكاس البستانى اللى انتوا بتدورا عليه
باسيليوس : مش ممكن ....انت !!!
بولونيوس: انت ازاى !؟ ...لا انت كويس تموت ليه !؟ ...ده اكيد مش حاجه كويسه ...انا حبيتك ... ازاى نقدر ان احنا نموتك ..؟! ... دا انت قدمت لينا الحب والخير
باسيليوس: ازاى نعمل كده وقلبك كله حب وخير دا انت عملت الخير معانا قبل ماتعرف خطتنا وحتى بعد ماعرفت ....كان ممكن تهرب
فوكاس: اهرب!! ....... من ايه ... اهرب من اللحظه اللى طول حياتى باتمناها ...اهرب من اللحظه اللى هتخلينى اكون ابن حقيقى للمسيح ... والمسيح يبقى فخور بيا ...اهرب من اللحظه اللى مستنيها من زمان ...اهرب من الحاجه اللى هتخلى حياتى لها قيمه كبيره اوى .....هو انا استاهل ان ربنا يطلبنى وانا اقوله لا...ايه انتوا متضايقين ليه ....حيرانين ليه ..يا جماعه الموضوع ابسط من كده ان كنتوا عاوزين تردوا جميلى عليكم يبقى لازم تنفذوا طلبى ....وتحققوا لى امنيتى.... يلا نفذوا الحكم اللى عليكم .....ونفذوا لى امنيتى اللى بتمناها
((مشهد ثابتا فوكاس منحنى وباسيليوس يبدأ فى قطع رأسه ))
((يدخل ملاك ويمسكه ويقيمه ويخرج به الى الخـــــــــــــارج))
ويقول بولونيوس: ايه ده ايه اللى انا شايفه ده ....مش ممكن ياترى دى حاجه كويسه ولا حاجه وحشه ..... محدش هيرد عليا ...انا من النهارده لازم انا اللى اخد قرارى انا اللى لازم احس ان الحاج هدى حلوة ولا وحشه لازم اعرف ان عمل خير دى حاجه كويسه لازم اعرف ان اللى بيضحى بكل حاجه علشان اله هدى حاجه كويسه ...لازم اعرف ان شـــهــــيـــد المــــسيـــح فخر لكل المسيحين ودى حاجه كويسه ((ويخرج وتنتهى )))

تمام يا سارة و اطبع كمان[b]