مجالات العرائس فى خدمة مدارس الأحد

أحب أشارككم النهاردة بالمجالات المختلفة لاستخدام العرائس فى مدارس الأحد :

1. الترحيب :
ممكن نستخدم عروسة لاستقبال الاولاد عند مدخل الباب ، ترحب بيهم ..
وكمان ممكن ترحب بضيوف جداد جايين فصل مدارس الأحد سواء خدام جداد أو أطفال أو شخصيات هاتحكى حاجة

2. التقديم :
ممكن العروسة تبقى المذيع اللى بيربط بين الفقرات المختلفة ..
أو تعلن عن إعلانات الرحلات و المؤتمرات والمناسبات ..

3. الاحتفالات :
جميل جدا ان العرائس تحتفل بعيد ميلاد الأطفال ويرنموا ويلعبوا معاهم ..
أو نحتفل بنجاح الأطفال وتوزع الهدايا عليهم

4. الترنيم :
تخيلوا لما عروسة تعلم ترنيمة جديدة .. أكيد هاتبقى بتجذب نظر الأطفال أكتر وتخليهم يركزوا أكتر ..
وممكن العروسة تغلط ويصلحوا لها ..
أو ممكن العروسة تعزف والأطفال يرنموا معاها
وبالطبع لو العروسة ليها صوت مميز ده هايشد أكتر

5. حفظ الآيات :
أكيد العروسة لما تحفظ أو برضه تقول غلط والأولاد يصححوا أو يبقى ليها لزمة معينة بتقولها ..
كل ده هايشد الأولاد انهم يحفظوا اللى بتقوله

6. سرد القصص :
سواء كانت قصص كتابية والعروسة مجرد بتحكى ..
أو قصص العروسة جزء منها وخصوصا القصص السلوكية
أو ممكن تبقى العروسة صحفى وبيجرى حوار مع شخصية كتابية أو قديس

7. الختام :
ممكن العروسة تفكر الأولاد بسرعة بفقرات اليوم اللى مرت عليهم
وكمان تشوقهم لحاجات هاتحصل المرة اللى جاية
ممكن تصلى معاهم وبكده تشجعهم على الصلاة
وفى الآخر ممكن تودعهم